என் மனக் குப்பை கூளங்களுக்குள்
அவனொரு அலங்காரப் பொருள்.
***
முகப்பருவை கிள்ளி கொழுப்பை
நீக்கும் போதெல்லாம்,
ஆறு மாதத் தங்கை பாலில்லாமல்
இறந்தது நினைவில் தோன்றி மறைகிறது...
***
ஏழை வீட்டு கூரைகளின்
அலங்காரத் தோரணங்கள்
மழைத் துளிகள்.
***
பம்பரமாய் சுழற்றுபவனிடம்
கயிறையும் காலத்தையும்
கொடுத்து விட்டால்
சதுரங்க விளையாட்டை
வேடிக்கைதான் பார்க்க முடியும்...
***
கூட்டை அடையும் பறவைக்காக
ஓரிரு வீடுகளையாவது
புனரமைக்காமல் இருக்கலாம்.
- சீதா
