காதல் துளிகள்

என் காதலி மேல் என் காதல் தூவிய மழையில் ஒரு சில துளிகள் இதோ உங்கள் பார்வைக்காக...
உங்களுக்கு பார்த்து ரசிக்க மட்டும்... நனையும் உரிமை அவளுக்கு மட்டும்!!!

துளி – 1

கதிரவன் போல உன் கண்கள்...
என் இரவு விடியாமல் காத்திருக்கிறது
நீ வருவாய் என...!

துளி – 2

என்னவளின் கூந்தல் பார்த்து
பொறாமையில் முகம் கறுத்து
அழுகிறது மேகம்...
பொழிகிறது மழை!

துளி – 3

கணப்பொழுதும் நீங்காமல்
உன் விழிநோக்கி
வாழ்வேனாயின்
மரணமும் மறந்துபோகும்
எனக்கு!!!

துளி – 4

நீ
ஒளிந்துகொண்டாய்...
நான்
தொலைந்துபோனேன்!

துளி – 5

அவள் எதிரில் வருகையில்
என் விழித்திரையின் அளவைகள்
சுருங்கி விடுகிறது போலும்...
அக்கணம் அவளைத் தவிர
வேறொன்றும் தெரிவதில்லையே எனக்கு!

துளி – 6

கூட்டநெரிசலில் கண்டேன்
ஒரு கவிதைத்தொகுப்பை!
வியர்த்துவிட்டது எனக்கு...
நெரிசலில் அல்ல...
மனதில் வரைந்த ஓவியம்
உயிர்பெற்றெழுந்து கண்முன்
தோன்றிய ஆனந்த அதிர்ச்சியில்!

- இரா.சங்கர் (இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.)