கேட்பாரற்று
More articles by குட்டி செல்வன்
- வனத்தின் தனிமரம் (13 ஏப் 2010)
- நிலை (13 ஏப் 2010)
- ஏதுமற்ற வானம் (12 ஏப் 2010)
- உடைவதில்லை வெறுமைகள் (12 ஏப் 2010)
- மழைக் குறிப்புகள் - 2 (12 ஏப் 2010)
எங்கோ கசியும் பாணனின் இசை
அலையாய் வருடிச் செல்கின்றது மனதை
நேற்று வந்த பட்டாம்பூச்சியை
எதிர்பார்த்திருக்கின்றேன்
குழந்தைகளின் நம்பிக்கையோடு
இங்கு நிகழ்பவை எல்லாம்
ஏதோ ஒரு தேவையை
மையப்படுத்தியே நிகழ்கின்றன
என்பதைப் புரிந்துகொள்வதற்குள்
என்னை விட்டு வெகுதூரத்தில் நீ
என் தனிமையின் பக்கங்களில்
இம்மழைப் பயணங்கள் எழுதுகின்ற
பாவனைகள் நன்றாகதான் இருக்கின்றன
உடலை குளிர்த்துச் சிலிர்ப்பூட்டி
மனதை சற்று இலகுவாக்கி
ஒருவித வரையறையற்ற மென்மையாக
சிறுவயதில் இருந்ததைவிட
மழை இன்று நல்ல சினேகிதமாகியிருக்கின்றது
உன்னையும்விட
உன் அலட்சியங்களால்
என்னுளேயே மெளனமான உணர்வுகளும்
இம்மழைப் போன்றதே
இடையூறுகளின்றி
தொடர்ந்து பொழியும் மழையானது
என்றேனும் பெரும் வெள்ளமாய் உருவாகிச்
சிதைக்கக்கூடும் அனைத்தையும்
எவ்விதப் பாகுபாடுகளுமின்றி
- குட்டி செல்வன் (இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும். )