நான் இறக்க
ஒரு நிமிடமோ
ஒரு நாளோ
ஒரு வருடமோ
பத்து வருடங்களோ
இருபது வருடங்களோ
முப்பது வருடங்களோ
நாற்பது வருடங்களோ
ஐம்பது வருடங்களோ
ஏன் எழுபத்தி இரண்டு
வருடங்களோ அதற்கு
மேலும் இருக்கக் கூடும்

நான் உயிரோடு வாழ
அதே ஒரு நிமிடம் முதல்
அதே எழுபத்தி இரண்டு வருடங்களோ
அதற்கு மேலுமோ இருக்கக் கூடும்

எதிர்வினைகளை விழிவிரிய
கிளை விரித்து விவரித்து
நேர்வினைகளை ஓரிரு வார்த்தைகளில்
பூப்போல உதிர்த்து வாழப் பழகி விட்டோம்!!

- சீதா