ஆனால், இன்றைய நிலையில் சிறுபான்மையினரின் உரிமைகள் இந்தியாவில் பாதுகாக்கப் படுகின்றதா என்றால், இல்லை என்று தான் சொல்ல வேண்டும். தங்களுடைய உரிமைக்காகவும், பாதுகாப்புக்காகவும் சிறுபான்மையினர் குரல் எழுப்பினால், அவர்களுடைய  குரல்வளையை நெறிப்பதற்கான ஒடுக்குமுறைச் சட்டங்கள்/ மசோதாக்கள் கொண்டு வரப்பட்டு சிறுபான்மையின மக்களுக்கு எதிராகப் பயன்படுத்தப்படுகின்றன. தங்களுடைய அடிப்படை உரிமைகள் கோரி மக்கள் நடத்தும் போராட்டங்கள் ஈவு இரக்கம் இல்லாமல் ஒடுக்கப்படுகின்றன. சிறுபான்மையினர் உயிர்களையும், உடைமைகளையும் பாதுகாக்க வேண்டிய ஆளும் வர்க்கமே அவர்களுக்கு அச்சுறுத்தல் விடுப்பது ஜனநாயக நாட்டிற்கு உகந்ததல்ல..

 

சிறுபான்மை மக்களை  இரண்டாம் தர மக்களாக, அகதிகளாக மாற்ற வேண்டும் என்ற எண்ணம் கொண்ட சர்வாதிகார அரசின் அடக்குமுறை தாங்காமல் நாடெங்கிலும் மக்கள் புரட்சி வெடித்துள்ளது. இவ்வாறான வேளையில்,  அண்ணல் டாக்டர் அம்பேத்கர் அவர்களின் கூற்று  தான் நினைவுக்கு வருகின்றது...