தாயின் மடி தரும் இன்பத்தைத் தமிழ் நாட்டு உணவு தரும். அவைகள் தமிழ்நாட்டுப் பண்பாட்டுடன், சுவையுடன் சமைத்து இருந்தால் மட்டுமே. அங்கே இரெசிபி எனும் சொல் தேவையில்லை. ஆங்கிலமோகத்தின் வெளிப்பாடும் உறவும் கொண்ட சொல் அது. புளியைக் கரைத்து வடிகட்டவும். சற்றே சூடு பண்ணவும். கரைசலில் வெல்லப்பாகையும் ஏலக்காய் பொடியையும் கலந்து குடித்தால் பெறும் தித்திப்பிற்கு ஈடு எதுவுமே இல்லை. வரகுஅரிசி மாவில் சுடுநீர் ஊற்றுப் பிசைந்து அதனுடன் ஏலப்பொடியைக் கலந்து தேவைக்கேற்ப வெல்லம் அல்லது கருப்புக்கட்டி சேர்த்து அடைபோல் செய்து உண்டால் இனிப்புலகமே அவரவர் கையில்தான்.கம்புமாவை வறுத்து அதனுடன் மோர் ஊற்றிக் கரைத்து உப்பைக் கலந்து தோழையாக ஊற்றிச் சாப்பிட்டால் உடலுக்கு நலம். வெங்காயத் துவையல் தொட்டுக் கொண்டால் நாவில் நீர் ஊறும்