ஐயா வீரபாண்டியனாரே

தேர்தலில் மகிந்த வென்றது இருக்கட்டும். பிரபாகரனை மேதகு எனவும் கருணா மற்றும் டக்ளசு ஆகியோரை துரோகிகள் என்றும் வருணிக்கும் உரிமையை உங்களுக்கு யார் வழங்கியது? உங்களுக்குத் தெரியாதா இப்போது இங்கு எல்லாமே மாறிவிட்டது. அப்பாவி வன்னிமக்களின் பிள்ளைகளைக் கடத்திக்கொண்டு போய் யுத்தகளத்தில் பலிகொடுத்த பிரபாகரன்தான் இப்போது துரோகி. வன்னியில் புலிகளின் கட்டுப்பாட்டுக்குள் வாழ்ந்த மக்களிடம் வந்து கேட்டுப்பாருங்கள்! என்ன சொல்கிறார்கள் என்று? சயனைற்றை உட்கொண்டு இறந்து போகத் துணிச்சல் இல்லாமல் இராணுவத்திடம் சரணடைந்து கோடாலிக் கொத்தில் "வீரச்சாவை" அணைத்துக்கொண்ட ஒரு கோழைதான் உங்கள் மேதகுவா? எதற்கு மேதகு என்று என்ற வார்த்தையின் பெறுமதியைக் குறைக்கிறீர்கள்? இப்போது வன்னி மக்களுக்கு எல்லா உண்மைகளும் விளங்கிவிட்டது. எங்களுக்குத் தெரியும் நாங்கள் என்ன செய்யவேண்டும். யாரை ஆதரிக்கவேண்டும்? யாரைத் தள்ளிவைக்கவேண்டும்? என்று. வன்னிமக்கள் மட்டுமல்லாது முன்னாள் போராளிகளும் பிரபாகரனைத் துரோகி என்றுதான் சொல்கிறார்கள்! நீங்கள் கனவுலகிலிருந்து வெளியே வாருங்களெமக்குத் தமிழகத்திலிருந்து சினிமாப் படங்களும் முகத்தில் பூசும் கிறீம்களும் காஞ்சிபுரம் சாறிகளும் வந்தால் மட்டுமே போதும். மற்றபடி வன்னி மக்களுக்காக என்று சொல்லி தமிழகத்தில் நடந்த எந்தவொரு போராட்டத்தையும் இங்கு நாங்கள் கணக்கில் எடுக்கவில்லை என்பதை அறிக! இருப்பினும் எமது உண்மை நிலையை அறிந்து கருத்துக்களை வெளியிடும் சில அரசியல்தலைவர்கள் பத்திரிகையாளர்களை நாம் என்றும் நன்றியுடன் நினைவில் கொள்வோம். சரத் பொன்சேகாவுக்கு வாக்களித்ததை எண்ணி இப்போது இங்கு பலர் வருந்துகிறார்கள். இப்போது இங்கு எல்லாமே மாறிக்கொண்டு வருகிறது. தயவுசெய்து இனியாவது உண்மைகளைப் புரிந்துகொள்ளுங்கள். பிரபாகரனை வழிபடுவது உங்கள் உரிமை. ஆனால் தயவு செய்து அவரை எங்களுடன் சம்மந்தப்படுத்தாதீர்கள். எம்மைப் பொறுத்தவரை எமக்கு அவர் வேண்டா நபர்!

இப்படிக்கு
தீபன்
திருநகர்
கிளிநொச்சி