பிடித்த கிழமை ஆக
இந்தக் கிழமையை
அனுமதி

தோட்டப் பூவில்
தொட்டுப் பார்த்து
தோழி கண்டுபிடி

குட்டிச் சுவரிலும்
கோபுரமென ஒருவன்
அமர்ந்திருப்பான்

குறுக்கு சந்துக்கும்
கூட்டி வந்து காட்டு
நெடுக்கு பாதங்களை

மனமசைக்கும் பாடல்கள்
இருக்கட்டும்
மறந்த சிறந்த ஒன்றை
யோசி

ஊருக்குள் சும்மா நட
ஒளி போல இருள் போல
இரண்டும் சேர்ந்த நிழல் போல

விடிந்து விட்டதை
இன்றைக்கும் சொல்லிக்கொள்
மனிதன் மகத்தான மறதி

- கவிஜி