குரல் வளைக்குள் இறங்கும் மௌனம்...

பிடிமான இடுக்கில் வழியும்
வியர்வை ஒற்றிய விரல் பதித்த
நகக் குழியில்
அகால குறிப்புகள் நிரம்பியிருக்க

றெக்கையின்றி கிடக்கும்
குளவியை
இழுத்துச் செல்லும்
எறும்பாகிறாய்

தீர்மானமற்ற கடிதமொன்றில்
முரணாகிப்போன
அர்த்தங்கள் மீதேறும்
ஆசையை
சொற்கள் திணறிச் சுமக்கையில்

அதன் இறுதி மூச்சைக் கைவிட்டு
அனாதையாகி அனத்தும்
ஊடல் தருணங்கள்
மௌனக் கூர்க் கொண்டு குத்தப்பட்டு
துடிக்க

இதயத்தின் சிறு பகுதியொன்றை
தன் குரல் வளைக்குள்
அடைத்து கேவுகிறது
சாமத் தவளை

- ப்ரீத்தி ஸ்ரீதரன் (இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.)