ஆவியாதல்
சக்தி ஜோதி
மெல்ல விரிகிறது சிறகுகள்
உடலில் இருந்து
கனமற்றுப்போன உருவம்
சிறகுகளின் இசையில்
மயங்கிக் கட்டுப்படுகிறது
காற்றில் மிதக்கத் தொடங்கியபின்
நட்சத்திரங்கள் கைகளுக்குள் சிக்குகின்றன
ஒன்று இரண்டு மூன்று என நிராகரிக்கின்றேன்
ஒரு பந்தை எறிவதென்பது
அப்படியொன்றும் கடினமானதல்ல சிறகுகள் அசைந்தபடி
உடலை நகர்த்திக் கொண்டேயிருக்க
திருப்தியற்ற மனம்
கணக்கற்ற நட்சத்திரங்களைக் கடக்கின்றது
காற்று
நீர்
நெருப்பு
ஏதுவுமற்ற நட்சத்திரங்களில்
அலைந்து அலைந்து
தாகம் பெருகுகிறது
இன்னுமொரு நட்சத்திரம் தூரத்தில்
தாகம் தீர்க்கும் நட்சத்திரம் நெருங்க
உடல் தணலாய் மாறி
எழும்புகிறது.
படைப்பாளிகளின் கவனத்திற்கு...
கீற்று இணையதளத்திற்கு தங்களது படைப்புகளை அனுப்ப வேண்டிய மின்னஞ்சல் முகவரி: [email protected]. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். அப்படியான படைப்புகள் மட்டுமே கீற்றில் வெளியிடப்படும்.
|
|