கோபுர கலசத்தின் உச்சியில்

கடவுளின் கடவுளாய்

அமர்ந்திருக்கிறதோர் பறவை

கடவுளை

ஆசீர்வதித்ததின்

அடையாளமாய் பிரசாதமென

எச்சமிட்டு பறக்கிறது

மின் கம்பங்களின் எண்ணிக்கைக்கு

இணையாகக்கூட

மரங்கள் நடப்படாத நகரத்தில்

பறவைகள் இறங்குவதில்லை

பறவைகளின் சிறகசைவில்

சுழலும் காற்றில் மாசு நீங்கக்கூடும்

தங்க நாற்கர சாலைகளால்

இணைக்கப்படும் இந்நகரத்தின்

பழைய வரைபடத்தில்

பறவைகள்

இரையருந்திப் பறக்கும்

மாபெரும் மண் கிண்ணத்தைப்போல்

குளமொன்று இருந்தது

பெரும் மழைக்காலங்களில்

குளம்தேடி நீர்சூழ

நகராத காங்கிரிட் கப்பல்களாய்

மிதக்கும் குடியிருப்புகள்.


நண்பருக்கு இப்பக்கத்தைப் பரிந்துரைக்க...

படைப்பாளிகளின் கவனத்திற்கு... கீற்று இணையதளத்திற்கு தங்களது படைப்புகளை அனுப்ப வேண்டிய மின்னஞ்சல் முகவரி: [email protected]. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். அப்படியான படைப்புகள் மட்டுமே கீற்றில் வெளியிடப்படும்.