மாயா
அசுரன்
1
மாயாவுக்கும் எனக்கும்
ஓர் ஏழாண்டு பழக்கம்தான்
உங்களைப் போலவே
வெகுசாதாரணமாக
என்னைக் கடக்க முயன்றவள் மாயா
அதற்குமுன் பார்த்திருக்க
பலவாய்ப்புகளிருந்தும்
அன்றுதான் மாயாவைப் பார்த்தேன்
கடந்து போக பல வாய்ப்புகளிருந்தும்
என்னைக் கடக்க முடியாமல்
நின்று விட்டவள் மாயா
2
மாயா என்னிடம் உரையாடும் போதெல்லாம்
சூரியன் கடந்து போகும்
நிலவு கடந்து போகும்
நதியும் காற்றும் கடந்துபோகும்
உரையாடல் முடிந்து கண் திறந்து பார்க்கும் மாயா
காணாத என்னை
சூரியனில் - நிலவில் - நதியில் - காற்றில்
தேடி ஓடுவாள்
3
குழந்தை போல்தானென்றாலும்
மாயாவும் கதை சொல்வாள்
மாயாவின் கதை பறவைகள் பற்றியது
மாயாவின் பறவைகள் பாடுவதோ பறப்பதோ கிடையாது
மாயாவின் பறவைகள் என்னைப் போல்தான்
மாயாவுக்காக மட்டுமே பறவைகளாக இருக்கின்றன.
|
படைப்பாளிகளின் கவனத்திற்கு...
கீற்று இணையதளத்திற்கு தங்களது படைப்புகளை அனுப்ப வேண்டிய மின்னஞ்சல் முகவரி: editor@keetru.com. படைப்புகளை அனுப்பும்போது தாங்கள் பயன்படுத்திய எழுத்துரு எதுவென்பதைத் தெரியப்படுத்தவும்.
|
Keetru | Tamil | Tamilnadu | Literature | Cinema | Recipe | Joke
|
|
 |
|
