1983 தொடங்கி 2007 வரையில் மதுரைப் பகுதியில் சாதி எதிர்ப்புக்காகப் போராடியதால் கொல்லப்பட்ட 27 பேரின் ஒளிப் படங்களோடு கூடிய அரிய வரலாற்று ஆவணம். 20ஆம் நூற்றாண்டின் இறுதியில் தென் தமிழகத்தில் நடந்த சாதி எதிர்ப்புப் போராட்டங்களையும் இழப்புகளையும் ஒருசேர முன் வைக்கும் இத்தொகுப்பே தமிழில் தொடக்க முயற்சி.

ஒடுக்கப்பட்ட மக்கள் வரலாற்றுப் பதிவுக்காக ‘சிவப்பு ஏடு' என்று ஒன்றையும், "கறுப்பு ஏடு' என்று ஒன்றையும் பராமரிக்க வேண்டும். சாதி ஒழிப்பில் உயிர் நீத்த போராளிகளைச் சிவப்பு ஏட்டிலும் சாதி ஆதிக்கக் கொலைகாரர்களைக் கறுப்பு ஏட்டிலும் பதிவு செய்ய வேண்டுமென முன்பு ஒரு முறை தொல். திருமாவளவன் கூறியதை நினைவுபடுத்தும் முயற்சியாக "சிவப்பு ஏடு' என்று இதற்குப் பெயர் வைத்ததாக இந்நூலின் ஆசிரியர் வணங்காமுடி அ. தமிழ்முரசு விளக்குகிறார். சாதி ஒழிப்பில் முனைப்பு கொண்ட ஒவ்வொருவரும் படிக்க வேண்டிய நூல் இது.

வெளியீடு : வணங்காமுடி பதிப்பகம்
புரட்சியாளர் அம்பேத்கர் தெரு. பெரிய ஊர்சேரி. அலங்காநல்லூர் (வழி).
மதுரை 625 502. செல் : 9787494632