கண்மூடி உறங்குகையில்
கண்ணிவெடிச் சத்தம்
சத்தத்தில் மரத்துப்போகும்
பிள்ளை தரும் முத்தம்
எங்கள் தெருவில் இருப்பதால்
கரம் உடைந்து நிற்கிறார்
கடவுள் கூட!

எங்கள் குழந்தைகளின்
விரல்பிடித்து நடந்ததைவிட
விழி துடைத்து நடந்த
நாட்களே அதிகம்!
நீங்கள் தமிழனென்று சொல்லித்
தலைநிமிர்ந்து நிற்பீர்கள்
நாங்கள் தமிழனென்று சொன்னால்
தலை உதிர்ந்து கிடப்போம்
பாரதி சொன்னது போல்
பாலங்கூட வேண்டாம்
வந்து நின்றால்
தருவீர்களா
ஒருகை சோறும்
உறங்க ஓர் இடமும்!