சீன ஜென் கவிதைகள்
(கி.பி. 1127 - கி.பி. 1279)
தமிழில் சி. மணி
இலக்கு அடைந்தாயிற்றா,
சிரித்துக்கொள், நன்றாக - மழித்த
நிலையில் இன்னும்
அத்தனை அழகு, நீ
பயனற்ற அந்தப்
புருவங்கள்.
- போதி - கிஷூ
****
இந்தச் சரீரம் மாசுபடுத்தாது
அந்த மலர் சொரியும் மலைச்சாரலை
தோண்டாதே அங்கே குழி;
சமாதிச் சுடருக்கு என்ன
வேண்டிக் கிடக்கிறது?
அடுக்கிய கட்டைகள்,
போதும்.
மரணம் - செய்கியோகூ - செய்கியோ
****
மனிமில்லை புத்தா இல்லை
இருத்தலில்லை சிதறிக்
கிடப்பவை சூன்யத்தின் எலும்புகள்
இந்தப் பொன் சிங்கம்
ஏன் தேடிப் பிடிக்க வேண்டும்
அந்த நரிக்
குகையை?
- போதி - டீகன்
****
வரும்போது போகும்போது விட்டுச்
செல்வதில்லை காட்டு நீர்ப்பறவை
ஒரு சுவடு;
தேவையும் இல்லை. அதற்கு
ஒரு வழிகாட்டி
- டோஜன், 1200 - 53
****
எழுபத்தி இரண்டு ஆண்டுகள் அடக்கி
வைத்திருந்தேன் இந்த எருதை நன்றாக.
இன்று
மீண்டும் ‘ப்ளம்’ மரம் பூத்திருக்க
பனிப்பொழிவில் அலையவிட்டேன்.
அதை. - ரோகுயோ 1384 - 1455
படைப்பாளிகளின் கவனத்திற்கு...
கீற்று இணையதளத்திற்கு தங்களது படைப்புகளை அனுப்ப வேண்டிய மின்னஞ்சல் முகவரி: [email protected]. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். அப்படியான படைப்புகள் மட்டுமே கீற்றில் வெளியிடப்படும்.
|
|