கீரைத்தமிழன் கவிதைகள்
வல்லரசு
இப்போதெல்லாம்
முகம் மலர்ந்து
நலம் விசாரிப்பதற்குள்
கடந்து போகின்றன
இயந்திர வாழ்க்கை!
பேருந்து பிடிக்கும்
அவசர கதியில்
கையசைப்புகளுடன்
ஓடிப்போகின்றன
நவீன வாழ்க்கை!
வந்தும் வருவதற்குள்
வேலைகளிருப்பதாக
விடைபெறுகின்றன
சொந்தங்களின்
பந்த வாழ்க்கை
சொற்சிக்கனத்தாலான
வார்த்தைப் பகிர்வுகளுக்குப்
பின்னால்
கணக்குப் பார்க்கிறது
விஞ்ஞான வாழ்க்கை
இதய இடைவெளிகளின்
நிரப்பிகளால்
நவீன ரோபோக்களாய்
கி.பி. 2020ல்
இந்தியா வல்லரசுதான்.
நேர மேலாண்மை
வீடு எனது
நிலம் எனது
பொன்பொருள்
மனைவி பிள்ளைகளென
எல்லாம் எனதானாலும்
நட்புகளுடான பெரும் பொழுதுகளும்
உறவுகளுடான சிறு பொழுதுகளுமாய்
கடந்து கொண்டேயிருக்கின்றன
நேரம் மட்டும்
எனதாயில்லாமல்.
படைப்பாளிகளின் கவனத்திற்கு...
கீற்று இணையதளத்திற்கு தங்களது படைப்புகளை அனுப்ப வேண்டிய மின்னஞ்சல் முகவரி: [email protected]. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். அப்படியான படைப்புகள் மட்டுமே கீற்றில் வெளியிடப்படும்.
|
|