உச்சந்தலை முதல்
உள்ளங்கால் வரை
சிலிர்க்க வைக்குது
உன் ஸ்பரிஸம்...

தேகமெங்கும் குளிரூட்டி
சில்லிட வைக்குது
உன் தழுவல்

என்மேல் வீசும் - உன்
குளிர் மூச்சுக் காற்று
இன்பக் கவியெழுத
எனைத் தூண்டுதே

சாய்ந்து வந்து முத்தமிட்டு
எனை சந்தோஷிப்பிக்கும் நீ
சந்தியில் சிலரை
நிறுத்துவதும் ஏனோ?

உனை நினைத்து
தவிக்கும் போது வராமல் - நீ
விரும்பும் நேரம் வந்து - எனை
இம்சை படுத்துவதும் ஏனோ?

மின்னலடிக்கும் பார்வையால்
இடியிடிக்கும் வார்த்தையால்
அடாவடியாய் வந்து
நீ எனைப்
பயப்படுத்துவதும் ஏனோ?

நீ இல்லாமல்
என்னால் வாழமுடியாது
என்ற மமதையினாலா?