இரவுகளை தின்று தீர்த்தது
ஏக்கத்தின் மிச்சங்கள்

கனவுகளில் விழுந்து தொலைந்து
அன்றாட தேடலின் ஆதங்கங்கள்

இரவிற்கும், நித்திரைக்கும் இடையேயான
ஒப்பந்தம் - சபலங்களாய் நீண்டு வளைந்தபோது

பால்காரனின் குரலோசை தட்டி
எழுப்பியது - இப்படி

கனவுகளுக்கும், கவலைக்கும் காவு
கொடுத்த - என் நிம்மதியும், தூக்கமும்

பிறிதொரு சாமத்திற்கு பயந்து
உறக்கமின்றி தவிக்கும் என்னை

'ராக்கோழி' என்கிறார்கள் - ரகசியம்
அறியாத ரசிகமகா ஜனங்கள்

அவனவனுக்குத்தான் தெரியும்
அரிப்பும், சொரிதலின் சுகமும்...