முகம்
ரிச்சர்ட்ஸ் பிரிட்டோ
அறைவதுபோல் அடித்த காற்றிலும்
சுழன்று விழவில்லை
என் முகமூடி.
எதிர்ப்பட்டோருக்கெல்லாம் காட்டிய
என் மோனலிசா புன்னகைக்குள்
கவனமாய் மறைத்துக் கொண்டேன்
எரிச்சலையும்
காரித்துப்பப்படாத எச்சிலையும்.
கண்கள் காட்டிவிடும் தான்
ஆனாலும் என்னுடையதோ
கறுப்புக் கண்ணாடி.
மூக்கைப் பார்த்து
குத்து விடத்துடித்த கைகளில்
முஷ்டி காட்டாமல்
கை குலுக்கியோ
கை கூப்பியோ
விடை பெற்றுக் கொண்டேன்.
வீட்டிற்கு வந்த பின்னும்
மனதிற்குள் ஒரே குடைச்சல்.
அவர்களுடையதும்
என்னைப் போலவே
மோனலிசா புன்னகையோ
என்று.
படைப்பாளிகளின் கவனத்திற்கு...
கீற்று இணையதளத்திற்கு தங்களது படைப்புகளை அனுப்ப வேண்டிய மின்னஞ்சல் முகவரி: [email protected]. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். அப்படியான படைப்புகள் மட்டுமே கீற்றில் வெளியிடப்படும்.
|
|