மறுபடி நிரூபணமாகியுள்ளது
உங்களின் அதிஷ்டம்
நெரிசல் பேருந்தில்
சன்னலோர இருக்கையுடன்
இம் மலைப்பாதையில்
பயணத்தை துவக்குகிறீர்கள்
இடவல திருப்பங்கள்
எதிர்பாரா சடன் ப்ரேக்குகளென
சிலிர்பேற்படுத்தும் சாகஸத்தை
ஒத்திருக்கிறது பயணம்
நின்று கொண்டிருந்த
மலை ஜாதிப் பெண்ணொருத்தி
உங்கள் மடிமீது கிடத்துகிறாள்
சிரித்தபடி உறங்கும்
கறுங் கூழாங்கல்லைப் போன்ற மழலையை
ரசித்த சாகஸத்திலிருந்து
அக்குழந்தையின் தூக்கத்தை
காப்பாற்றும் விதம்
துவங்குகிறது உங்களின் சாகஸம்.