ஆளுக்கொரு திசையைக்
காட்டுகிறார்கள்
ஏற்கனவே குழப்பமுடனிருக்கும்
எனக்கு. . .
என்னை எதிர்கொள்ளும் நீயெப்படி
எதிர்வினை காட்டப்போகிறாய்
என்ற ஊகமெல்லாம் எனக்கில்லை
எதுகாட்டினாலும்
பெற்றுக் கெள்ளவே தீர்மானமுடன்
உன் முகவரியைத் தேடுகிறேன்.
ஒரு சமயம் கோயிலுக்குப் பக்கத்தில்
என்கிறார்கள். . .
ஒரு சமயம் பச்சைக் கட்டிடத்திற்குப்
பின்னால் என்கிறார்கள். . .
ஒரு சமயம் அரிசியரைக்கும் மில்லுக்குப்
பக்கத்தில் என்கிறார்கள். . .
நாலாவது தெருவில் ஒரு கம்பெனிக்குப்
பின்னால் என்கிறார்கள். . .
எல்லாவற்றுக்கும் தலையாட்டி
அலைகிறேன் நீ யென் பக்கத்தில்
இல்லாமல் போனதால். . .
ஒருவேளை கடைசிவரை முகவரி
கிடைக்காமல் போனாலும்
எனக்கு எள்ளளவும் சந்தேகமில்லை
தவறான முகவரிக்கு என்னைத்
திசைதிருப்பியிருப்பாய் என்று உன்மேல். . .
உன்னிருப்பு மாறியிருக்கலாம்
நீ மாறியதுபோன்று. . .