ரயில் வருமெனத் தெரிந்தும்
முடிவற்று நீளும் இந்தத் தண்டவாளத்தில்,
நீயும் நானும் உடல்கள் உரச
நடந்து கொண்டிருக்கின்றோம்.
தண்டவாளத்தில் அழுந்திச் செல்லும்
ரயில் சக்கரங்கள் போல,
என் விரல்கள் உன் முதுகுப்பரப்பில்
நகர்ந்து அலைகின்றன.
ரயில் நமக்குப் பின்னால் வந்தது-அது
நம்மை வாழ்த்தி, நமக்கு வழிவிட்டு,
தண்டவாளத்தை விட்டிறங்கி,
தனது எல்லாப் பெட்டிகளையும்
இழுத்துக் கொண்டு, மண்ணில் ஓடுவதாக
நமக்கு ஒரு பிரம்மை.