எல்லைகள் இதுவென
எப்படி தீர்மானிக்கிறீர்கள். . ?

கடல் எல்லைத் தாண்டியதாய்ச் சொல்லி
கட்டுமரங்களை சுட்டு வீழ்த்துகிறீர்கள்.

பாறைகளைக் குடைந்து தாவிவரும்
நதியின் அலைகளில்
வரைகிறீர்கள் உங்கள் அத்துக்களை.

குறுஞ்சிரிப்புடன் நுரைத் ததும்ப
ஓடுகிறது நதி.

பாலையின் கம்பிகளைக் கடந்தால்
வேறொரு தேசம்
தீவிரவாதியாய் உளவாளியாய்
பெயர் சூட்டிய பகல்களறியா
அந்தகாரச் சிறை வாசம்

சுவர்களா பிடிக்கும் மனிதர்களை?

எல்லைத் தாண்டிய பயங்கரவாதமெண்ணிக்
கவலைப் படுகிறவர்களே
கண்ணுக்குப் புரனாகா
பண்பாட்டு படையெடுப்புகளை
எப்படி தடுப்பீர்கள். . ?

பூகம்பத்துக்கில்லை கட்டுப்பாட்டெல்லை
இடிபாடுகளில் செத்தனர்
இருதேச மக்கள்.