மிக நேர்த்தியான ஒரு சொல்லுடன்
அவர்கள் பிரிந்து விட்டார்கள்
அதுவரையிலிருந்த காதலிலிருந்து...

யாருமற்ற மௌனம்
அந்த அறை முழுவதும் தேங்கிக்கிடக்கின்றது

அவர்கள் பருகிய
தேனீர் கோப்பைகளும்
உட்கார்ந்திருந்த இருக்கைகளும்
ஜோடியாயிருக்கின்றன
பிரிவதற்கான அடையாளங்களுடன்

எல்லா பிரிவு நேரங்களும்
நமக்கருகிலே யிருக்கின்றன

யார் அடைத்தாலும்
அடைத்துக் கொள்கின்றன
அந்த பிரம்மாண்டமான ஓட்டலின்
வாசற்கதவுகள்