பிளவுபட்ட பூமியின் வெளிப்பசியாய்
உயிருள்ள உன் முத்தங்களை
விழுங்கி முடித்தயென் உதடுகளின்
ஆழங்களை சுவைத்துக் கொண்டிருக்கிறாய்
இறகுகளை சேகரிப்பது போன்றும்
அடுத்தடுத்த நமதிந்த முத்தங்களின்
உணர்ச்சிகளை திரும்பப்
பெயர்த்துக் கொண்டிருக்கின்றன
எலும்புகளில்லாத நமது நாக்கும்.

முடிந்த முத்தங்களும்
வரும் முத்தங்களும்
எப்பொழுதுமே சுவாரஸியமானவை.