காதலர்களே
எல்லா கவிதைகளையும்
எழுதி முடித்தீர்கள்
எதுவும்
எழுத முடியவில்லை என்னால்
உவமையும் மிச்சம் வைக்கவில்லை
எனக்காக
ஒவ்வொரு நிமிடங்களையும்
உன்னத சூழ்நிலையாக்கி உலகையே தன் வசப்படுத்திக் கொண்டீர்கள்
ஒவ்வொரு மரணத்திற்கும் ஒருவித காரணம் கூறி
மரணத்தில் முடியாததை மரணத்தில் இணைத்துக்கொண்டீர்கள்
கவிதைகள்தான் வைக்கவில்லை என்னவளுக்காக
கல்லறைகளையாவது விட்டுச் செல்லுங்கள் எனக்காக