பதப்படுத்தப்பட்ட புன்னகை அல்லது முத்தம்
பா. ராஜா
புகைப்படக்கருவி உமிழ்ந்த மின்னல்வெட்டு
உன் புன்னகையன்றின் முனையைப் பற்றி
பலவந்தமாய் உருவிக் கொண்டுபோய்
கருப்பு நிறத்தை மாத்திரம் உள்ளனுமதிக்கும்
அந்த இருட்டறையிலிட்டு நெறிப்படுத்தி
பின்
வரவேற்பறையின் சுவரொன்றில் நிறுவிவிட
கண்ணாடிச் சட்டத்தினுள் பதப்படுத்தப்பட்டிருக்கும்
உனது சுழிக்கப்பட்ட இதழ்களுக்குள்ளிருந்து
எட்டிப்பார்க்கின்றன
எனக்கெனத் தேக்கிவைக்கப்பட்டிருந்த
சில முத்தங்கள்.
படைப்பாளிகளின் கவனத்திற்கு...
கீற்று இணையதளத்திற்கு தங்களது படைப்புகளை அனுப்ப வேண்டிய மின்னஞ்சல் முகவரி: [email protected]. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். அப்படியான படைப்புகள் மட்டுமே கீற்றில் வெளியிடப்படும்.
|
|