ஒரு கை குறைகிறது
இருக்கிறவர்களுக்கு
ஒரு கை குறைகிறது.

யாராவது வருவார்களா என்று
எதிர்பார்த்துக் கொண்டிருக்கிறார்கள்
ஒரு கை குறைகிறது
நிரம்ப நேரமாக
காத்துக்கொண்டே இருக்கிறார்கள்
ஒரு கை குறைகிறது.
ஒரு கை குறைகிறது
ஆரம்பிக்கவே முடியாமல்போய்
அவஸ்தைப்படுகிறார்கள்
ஒரு கை குறைகிறது
உட்கார்ந்திருக்க முடியாமல்
பதற்றத்துடன் தேடுகிறார்கள்
ஒரு கை குறைகிறது
இருந்த இடத்திலிருந்து
எழுந்தே விட்டார்கள்
நீங்கள்
ஒரு கையாக வரமுடியுமா?
நான்
ஒரு கையாகப் போகட்டுமா?
அல்லது அவனை ஒரு கைக்கு
அனுப்பி வைக்கலாமா?
ஒரு கை இல்லாமல்
ஒன்றும்நடக்காது
ஒரு கை வந்து உட்கார்ந்தால்தான்
உருப்படியாக ஏதாவது செய்யலாம்
ஒரு கை குறைகிறது
ஒரு கை குறைகிறது
ஒரு கை குறைவாகவே இருக்கிறது