கவிதை
குறைந்தபட்சம்
பிரவீன்
ஒரு கவிதை எழுதுவதற்கு
குறைந்தபட்சம் ஒரு சிகரட் அவசியப்படும் என்றால்
இந்த பிரபஞ்ச கவிதையின் எண்ணிகையில் ஒன்று
குறைவாகவே இருக்கட்டும் !
ஒருமணி நேரம் நண்பனிடம் பேச
பாருக்கு தான் போகவேண்டுமென்றால்
அன்று மௌனவிரத நாளாகவே
இருந்துவிட்டுப் போகட்டும் !
என் பிறந்த நாளை நினைவுபடுத்த
கண்டிப்பாக ஒரு புது சட்டை வேண்டுமென்றால்
அந்த வருடத்திற்கான வயது அதிகரிக்காமலே போகட்டும் !
இரவு உறக்கம் கொண்டுவர
தாயின் அரவணைப்போ
காதலியின் முத்தமோ தேவைப்படுமெனில்
அது மற்றும் ஒரு உரக்கமற்ற இரவாகவே இருக்கட்டும் !
ஒரு புன்னகைக்காக ஒரு வழியலும்
கொஞ்சம் அன்புக்காக அதிக கீழ்படிதலும்
ஒரு சிறு தலையசைப்புகாய் நீண்ட காத்திருப்பும்
அவசியம் வேண்டுமென்றால்...
வேண்டவே வேண்டாம்...
யாரொருத்தியின் அன்பும்!
எவனொருவனின் ஆதரவும்..!
படைப்பாளிகளின் கவனத்திற்கு...
கீற்று இணையதளத்திற்கு தங்களது படைப்புகளை அனுப்ப வேண்டிய மின்னஞ்சல் முகவரி: editor@keetru.com. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். அப்படியான படைப்புகள் மட்டுமே கீற்றில் வெளியிடப்படும்.
|
|
