KeetruLiteraturePoem
கவிதை

மொழி விளையாட்டு
பாண்டித்துரை

Baby and Butterfly எப்போதும் சிரிப்பாயே
இன்று மட்டும் என்ன
நீ கேட்ட
வண்ணாத்திபூச்சியையும்
நாய்குட்டியையும்
அப்பா வாங்கித்தரவில்லையா
அதனால் என்ன
உனக்கு பிடித்த வண்ணங்களில்
உன்மொழியான விரலசைவில்
வண்ணாத்திபூச்சியையும்
நாய்குட்டியையும் வரைந்துகொடு
அப்பாவின் தலையணையடியில்
நாம் பத்திரப்படுத்தலாம்
வரக்கூடிய கனவில்
உன் ப்ரிய நாய்குட்டி
அப்பாவுடன் விளையாடத் தொடங்கலாம்
தொடர்ச்சியாய் பறந்துவரும்
வண்ணாத்திப்பூச்சியை எட்டிப் பிடிக்க முயற்சித்தபடி
இவையெல்லாம் உன்னாலானது என
அப்பாவிற்கு தெரியாது
பிறகொருநாள் நீ கதைகேட்கும்போது
நாய்குட்டி எட்டிப்பிடித்த பட்டாம்பூச்சியென
சொல்லக்கூடும்
ரசிப்பதாய் நினைத்த
உன் ரகசிய புன்னகையை கடந்தபடி

- பாண்டித்துரை ([email protected])

இவரது மற்ற படைப்புகளைக் காண இங்கே அழுத்தவும்