Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
KeetruLiteraturePoem
கட்டுரை

நீ மட்டும் படிப்பதற்கு
பச்சியப்பன்

Love புதைத்துவிட்டு
திரும்பிப் பாராமல் நகர்ந்தபின்
தவித்துக் கிடக்கும் பிணம்போல்
நீயற்ற தனிமையில்
நான்

உடனிருக்கும் போது சண்டையிடுகிறேன்
அழவைக்கிறேன்
சலிக்கும் அளவிற்கு
இறுக்கம் கொள்கிறேன்
பெயர் தெரியாப் பூச்சிகளைப் போல்
என் வசவுகள்
உன் கண்களில் விழுந்து
சுரீரென்கிறது
தெரியுமா
அனைத்தையும்
எனக்கு நானே இப்போது...

தாகம் தணிக்கவும்
தலைமுழுகவுமான தோட்டக் கிணறுபோல்
உன்னையன்றி
எவரைச் சொல்ல

மண்டிக்கிடக்கும் காரமுட்களுக்கிடையில்
தளிர்த்தவைகளைப்
பசியோடு கடிக்கும் வெள்ளாட்டினைப் போல்
ஆடைகளுக்குள் உன்வாசம் தேடி
குளிர்கிறதென பூமி

மானாவாரியில் விதைத்த விதைப்பாடாய்
ஏகாந்தத்திற்கு
நாலு இலைவிட்டுக் கிடக்கிறது மனசு
மந்தை மந்தையாய் இறங்கும்
கம்பளிப் பூச்சிகளைப் போல
இந்த இரவு இருக்கிறது

என்னிடம் ஏராளமாய்க் கண்ணீருண்டு
எவரிடமும் காதுகளில்லை
இருக்கும் இந்த உயிருக்காக மட்டும்
எல்லோரிடமும் முழக்கயிறு இருக்கிறது
உன்னையுட்பட

- பச்சியப்பன்

இவரது மற்ற படைப்புகளைக் காண இங்கே அழுத்தவும்


நண்பருக்கு இப்பக்கத்தைப் பரிந்துரைக்க...

படைப்பாளிகளின் கவனத்திற்கு...

கீற்று இணையதளத்திற்கு தங்களது படைப்புகளை அனுப்ப வேண்டிய மின்னஞ்சல் முகவரி: [email protected]. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். அப்படியான படைப்புகள் மட்டுமே கீற்றில் வெளியிடப்படும்.


Tamil Magazines
on keetru.com


www.puthuvisai.com

www.dalithumurasu.com

www.vizhippunarvu.keetru.com

www.puratchiperiyarmuzhakkam.com

http://maatrukaruthu.keetru.com

www.kavithaasaran.keetru.com

www.anangu.keetru.com

www.ani.keetru.com

www.penniyam.keetru.com

www.dyfi.keetru.com

www.thamizharonline.com

www.puthakam.keetru.com

www.kanavu.keetru.com

www.sancharam.keetru.com

http://semmalar.keetru.com/

Manmozhi

www.neythal.keetru.com

http://thakkai.keetru.com/

http://thamizhdesam.keetru.com/

மேலும்...

About Us | Site Map | Terms & Conditions | Donate us | Advertise Us | Feedback | Contact Us
All Rights Reserved. Copyrights Keetru.com