KeetruLiteraturePoem
கட்டுரை

அதுவரைக்குமாவது
ஜெ.நம்பிராஜன்
Baby ஆற்றுக்குளியலுடன் ஆசையாய்
அனுபவித்தாயிற்று பார்த்துப்பார்த்து
தொழில்நகரத்தில் கிடைக்காதவற்றை
ஊர்வாசத்தின் மிச்சமாய்
பயணப்பட்டன சில பூச்செடிகள்
இரயிலில் என்னுடன்
எல்லாவற்றையும் பிரிக்கையில்
இலவச இணைப்பாக வெளிப்பட்டது
செடிகளுக்கு நடுவே ஊர்ந்தபடி
இரயில் பூச்சி ஒன்று
பார்த்தறியாத பக்கத்து வீட்டு
குழந்தைகளிடம் காட்ட வேண்டும்
உயிரோடிருக்க வேண்டும்
அந்த பூச்சி

- ஜெ.நம்பிராஜன்([email protected])

இவரது மற்ற படைப்புகளைக் காண இங்கே அழுத்தவும்