KeetruLiteraturePoem
கவிதை

மயிலிறகு
கார்த்திக் பிரபு

1.

Lover Kiss கடன் அன்பை முறிக்குமாம்
எங்கே திருப்பிக் கொடு பார்க்கலாம்
நான் கொடுத்த முத்தத்தை


2.

எல்லாருடன் சேர்ந்து ஆடும்
கண்ணாமூச்சி ஆட்டத்தில்
நானும் நீயும் மட்டும் எப்போதும்
ஒன்றாய் ஒளிந்து கொள்ளும்
அந்த நெற்குதிரின் மறைவில்
இன்று என் அக்கா குழந்தைகள் ஒளிந்து
விளையாடும்போது நின்று ரசிக்காமல்
போக முடியவில்லை என்னால்


3.

சிறு வயதில் நீ எனக்குப் பரிசளித்த
ஒரு அழகிய மயிலிறகை இன்னும் பத்திரமாய்
வைத்திருக்கிறேன்

என்றெனக்கு திருப்பித் தருகிறாய்

நீ எனக்கு கிணற்றடியில் கொடுத்த முத்தத்தை
இன்னும் நான் பத்திரமாக வைத்திருக்கிறேனென
திருப்பித் தர முயன்றபோது ஓடி ஒளிகிறாய்
என்னடி நியாயம் இது??

4.

கண்களால் வலைவிரித்து
எனைக் கவர சில முத்தங்களையும்
ஆங்காங்கே தூவி விட்டுக் காத்திருக்கிறாய்

முத்தங்களுக்காக ஆசைப்பட்டு
வேண்டுமென்றே மாட்டிக் கொள்கிறேன்
மாட்டிக் கொள்வதும் சுகம் தான் காதலில்


- கார்த்திக் பிரபு ([email protected])

இவரது மற்ற படைப்புகளைக் காண இங்கே அழுத்தவும்