 |
கட்டுரை
நகரப் பிணம்
கதிர்மொழி
முதலாளிகள் அவன் முதுகில்
சவாரி செய்தே பழக்கமானதால்
இன்று
பிறர் தோளில்
ஏறிச் செல்வது புதுமையாயிருக்கிறது
அவனுக்கு.
அவன் பாதைகள் இன்று
மலர்களால் நிரம்பியிருக்கின்றன
அதனாலேயே
அவனுடைய பாதங்கள்
கட்டப்பட்டிருக்கின்றன.
யாரோ ஒரு
மந்திரியின் வருகைக்காக
இன்றும் காத்திருக்க வேண்டியிருக்கிறது,
போக்குவரத்து நெரிசலில்.
அவன் காத்திருத்தலின் நீளம்
மிகவும் நீளமானது...
இலவச நோட்டுப் புத்தகம்,
ரேசன்கடை, அரசு அலுவலகம்,
இலவச வேட்டி சேலை என
அவன் காத்திருத்தலின் நீளம்
மிகவும் நீளமானது.
இவன்
செத்தும் காத்துக் கிடந்த
சீதக்காதி!
மூணாம் நாள்
அவன் வீட்டில் தொடர்ந்து
நினைக்கவும், அழவும்
நேரமற்ற
அதே அவசர வாழ்வு.
முப்பதாம் நாள்
அதேக் குழியில் புதைக்கப்பட்டது
இன்னொரு பிணம்...
முதுகில் சுமந்தே
பழக்கப்பட்டவனுக்கு
இப்போது மார்பில் சுமை!
- கதிர்மொழி
இவரது மற்ற படைப்புகளைக் காண இங்கே அழுத்தவும்
படைப்பாளிகளின் கவனத்திற்கு...
கீற்று இணையதளத்திற்கு தங்களது படைப்புகளை அனுப்ப வேண்டிய மின்னஞ்சல் முகவரி: [email protected]. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். அப்படியான படைப்புகள் மட்டுமே கீற்றில் வெளியிடப்படும்.
|
|
|
|
|
