கவிதை
குறள் வடிவில் ஒரு தமிழனின் குரல்
த.வெ.சு.அருள்
அழியுமே உயிர்களிடத்துக் காதல் - ஆங்கே
அழியாது தமிழ்மீது கொளல்.
உயிர் காக்க முனைவதுபோல் - தமிழ்
மொழி காக்க முயல்.
தமிழ் கற்க பற்றுயரும் - அப்
பற்றுயர தமிழ் வளரும்.
தாழ்நிலம் நோக்கிடும் நீராய் - தாழ்ந்து
கிடக்கும் தமிழ் பாராய்.
பொருள் பலசேர்க்கின் பயனிலை - பயனாம்
தமிழ்ச்சொல் சில சேர்க்கின்.
தன் னிலை உணர் வாகுமாம்
தண்டமிழ் நிலை உணர்வது.
வற்றுமே பாலை வரின் நீராறு
அவ்வாறு வற்றாதே செந்தமிழாறு.
கார்முகில் இருள மயிலாடும் - மன
மாடுமே தமிழிசை கூடிவர.
மழை வேண்டும்போல் மக்கட்கு - தமிழ்
வேண்டு மாம் தமிழர்க்கு.
நிலக்கண் காக்கும் உரம்போல் - தாய்த்
தமிழ் காக்க பயன்படு.
காக்கைக்கும் பொன்குஞ்சாம் தன்குஞ்சு போல்
நம்மோரை இகழ்வது துற.
பன்மொழி கற்பின் பயனென் கொல்
தாய்மொழி கல்லா விடின்.
- - த.வெ.சு. அருள் (tvsarul@rediffmail.com)
படைப்பாளிகளின் கவனத்திற்கு...
கீற்று இணையதளத்திற்கு தங்களது படைப்புகளை அனுப்ப வேண்டிய மின்னஞ்சல் முகவரி: editor@keetru.com. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். அப்படியான படைப்புகள் மட்டுமே கீற்றில் வெளியிடப்படும்.
|
|
