எனக்கு இந்த வலிகள் வர
காரணங்கள் பல இருக்கலாம்

என் செயலாலோ
பிறரது தூண்டல்களாலோ
வலிகள் வருகின்றன.

இந்த வலிகள் சில நேரங்களில்
நாட்டின் மீதும்
சமூகத்தின் மீதும் விழுகின்றன.

அதனால் ஏற்படும் சினம்
பொறுத்துக்கொள்ள இயலாமல்
பொங்கவைத்து விடுகிறது.

முதுகில் விழுந்த வலியைவிட
முகத்தில் விழுவது கொடூரமானது

கடவுளுக்குக் கூட அடிபட்டு
வலி வந்ததாம்
ஆனால் சாமர்த்தியமாக
எல்லார்க்கும் மாற்றிவிட்டாராம்.

இங்கு சாமர்த்தியம் போதாது
தாங்கு சக்தியே தேவை.