புழு தின்னத்தொடங்கும்
சடலத்தின் நாற்றம்
எனக்குள்ளும் இருக்கிறது

-

இரண்டு நிலவுகள்
இருக்கும் வானில்
ஆதவனுக்கு வேலையில்லை

-

அவனைப் பைத்தியம்
என்று நினைக்கவேண்டாம்
அழிந்து கொண்டிருக்கும் அவன் மொழியை
தனக்குள் பேசிக்கொண்டிருக்கக்கூடும்

-

ஒரு சகமனிதனுக்குரிய
மரியாதை
கிடைத்தால் மட்டும் போதும்
வாழ்ந்துவிடலாம்

-

இந்த வெய்யில் சுற்றிவந்து
என் அடுத்த ஜன்னலைத் தொட
இன்னும் ஆறுமாத காலம் பிடிக்கும்

-

என் நனவிலி மனதின்
திறவுகோல்
உன்னிடம் இருக்கிறது

-
மணற்கடிகாரத்தை
மீளத் திருப்பி வைக்கத்தான்
வேண்டியிருக்கிறது

- சின்னப்பயல் ( இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும். )

Whatsapp