மக்களின் இயல்பு
நினைவுபடுத்தித் தூண்டிக் கொண்டே
இருப்பது எம் கடமை"
கருத்துக்களை பரிமாறிக் கொள்ள...
கீற்று வலைக் குழுமத்தில் சேரவும்.
| Font problem? | Add us to your favorites! Press (Ctrl-D) on your keyboard. |
|
|
"மறந்து கொண்டே இருப்பது மக்களின் இயல்பு நினைவுபடுத்தித் தூண்டிக் கொண்டே இருப்பது எம் கடமை" |
கீற்று பற்றி விவாதிக்க... கருத்துக்களை பரிமாறிக் கொள்ள... கீற்று வலைக் குழுமத்தில் சேரவும். |
|
| |||
 | ||||
|
Keetru |  |
Dalithmurasu | |
|
|
“இந்தியச் சூழலில் சாதியம், பெண்ணடிமை முறையும் ஒன்றுக் கொன்று இணைந்து பிரிவினையை வலுப்படுத்தியுள்ளன. சாதி, பெண் பற்றிய கருத்தாக்கங்களும், மதரீதியான விளக்கங்களும் இதற்கு உறுதுணையாக இருந்துள்ளன. குடும்பம் என்ற சிறு அலகிலிருந்து, அரசு போன்ற பெரிய நிறுவனங்கள் வழியாகக் கருத்தாக்கங்கள், அதிகாரமாகவும், சட்டங்களாகவும் நடைறைப்படுத்தப்பட்டு வருகின்றன. இந்நிலையில், இங்குள்ள பெண் அமைப்புகளின் வரதட்சணை ஒழிப்புப் போராட்டங்கள் என்பவை, கொசு மருந்து தெளிப்புதான்.''
“சாதி ஒழிப்புப் போராளிகளாலும், இடதுசாரி சிந்தனையாளர்களாலும் முன்னிறுத்தப்பட்ட புத்தர் மற்றும் புத்த தம்மத்தின் அரசியல் முக்கியத்துவம், இங்கே அறிகமான அளவிற்கு அது ஒரு வாழ்நெறியாக இங்கே அறிமுகமாகவில்லை. பவுத்தம் வெறும் வேத மறுப்பு மதம் மட்டுமன்று; மிகவும் நடைமுறை சார்ந்த மக்கள் மதம் அது. பார்ப்பனியத்திலிருந்தும் இந்துத்துவத்திலிருந்தும் போதிசத்துவம் பல்வேறு புள்ளிகளில் வேறுபட்டு நிற்கிறது. அந்த அம்சங்களை நான் புரிது கொண்ட அளவிற்கு, இந்த நூலுக்குள் கொண்டு வந்துள்ளேன். புத்த மதத்தைக் கடவுள் மறுப்பு மதம் என்று சொல்வதைக் காட்டிலும் கடவுள், பக்தி முதலியவற்றிற்கு அப்பாற்பட்ட ஒரு நெறி எனச் சொல்வதே பொருத்தம்.''
“நாங்கள் விரும்புவது, எங்களுடைய விடுதலை மட்டும் அல்ல. உலகம் முழுவதிலும் உள்ள தொழிலாளிகளின் விடுதலை. அவர்களும் விடுதலை அடையாவிட்டால், சுரங்கங்களுக்குச் சொந்தக்காரர்கள் ஆகவும், அவற்றை நாங்களே நடத்தவும் உள்ள சுதந்திரத்தை, எங்களால் நிலைநிறுத்தி வைத்துக் கொள்ள முடியாது. உலக ஏகாதிபத்தியவாதிகளின் பேராசை பிடித்த கைகள், கடல்களுக்கு அப்பாலிருந்து ஏற்கனவே நம்மை நோக்கி நீட்டப்படுகின்றன. உலகத் தொழிலாளர்களின் கரங்கள்தாம் அந்தப் பிடிகளை, நமது குரல்வளைகளிலிருந்து இழுத்து அகற்ற முடியும்."
"பார்ப்பனன் செய்த புரோகிதத் தொழில் எல்லாவித மேன்மையையும் இழந்திருந்தது. அவன் ஒரு தின்ற ழிக்கும் பிராணியாக இருந்தான். பதுங்கிப் பாய்ந்து உயிர்களை வேட்டையாடும் விலங்கு போன்று சமூகத்தின் மீது பாய்ந்தான். அவன் டன் கணக்கில் உற்பத்தி செய்த புராணங்களும், சாஸ்திரங்களும் அவனது மோசடித் திட்டங்களுக்கு வற்றாத சுரங்கமாகக் கைகொடுத்தன. கபடமற்ற ஏழை மக்களை, கல்வியறிவற்றவர்களை, மூடநம்பிக்கைகளில் ஆழ்ந்திருந்த இந்துக்களை முட்டாள்களாக்குவதற்கும், வஞ்சிப்பதற்கும், கொள்ளையடிப்பதற்கும் சாஸ்திரங்களையும் புராணங்களையும் பயன்படுத்தினான்.'' 
“கேள்விகள் கேட்காமல் குடும்ப மனிதர்களாக மாறிவிடும்படி, நாம் பல்லாயிரம் ஆண்டுகளாக வளர்க்கப்பட்டிருக்கிறோம். ஆணும் பெண்ணும் இப்படிப் "பயின்றதை' கழற்றி எறிவதுதான் இன்றைய முதல் தேவை. தயாரிக்கப்பட்ட மூளைகளுடன் உருவாகியுள்ள நாம், அறிவியல் பூர்வமாக கேள்விகள் கேட்கத் தொடங்க வேண்டும். ஏன் ஆண்களால் "பார்க்கப்படுகிற' ஒரு கவர்ச்சிப் பொருளாக பெண் இருக்கிறாள்? அதே பெண் திருமணம் என்று வரும்போது, வரதட்சணையோடு வந்தால் மட்டுமே அதே ஆணால் விரும்பப்படுபவளாக மாறுவது எதனால்? பத்தினித் தெய்வமாகப் பெண் இருக்க வேண்டும். ஆனால், ஆண் கொஞ்சம் அப்படி இப்பிடி இருந்துவிட்டால்கூட பரவாயில்லை என்கிற சமூக ஒப்புதலை எப்படி உடைப்பது? '' 
