‘கரகாட்டக்காரன்’ புகழ் ராமராஜன் நீண்ட இடைவெளிக்குப் பிறகு ‘மேதை’ என்ற படத்தில் நடிக்கிறார்.

இயக்குனர் ஹரியின் உதவியாளர் என்.டி.ஜி.சரவணன் கதை, திரைக்கதை, வசனம் எழுதி இந்தப் படத்தை இயக்குகிறார். படத்தில் வடிவேலு முக்கியக் கதாபாத்திரத்தில் நடிக்கிறார். மேலும் சார்லி, மகாதேவன், ஆர்யன், ஹரிராஜன், அஜெய், ஹாசினி, சோனாநாயர், கே.நட்ராஜ் உள்ளிட்ட பலர் நடிக்கிறார்கள்.

கதாநாயகி யார் என்பது இன்னும் முடிவாகவில்லை. தேடுதல் வேட்டை நடந்து வருகிறது. படம் குறித்து ராமராஜன் கூறுகையில்,

"இது என்னுடைய 44வது படமாகும். படத்தின் கதை ரொம்பவும் வித்தியாசமானது. நகரப் பின்னணியில் உருவாகும் இந்தப் படத்தில் அனைத்து பொழுதுபோக்கு அம்சங்களும் இருக்கின்றன. வடிவேலுவின் காமெடியும் தினாவின் இசையும் படத்தில் குறிப்பிடும்படி இருக்கும். ‘மேதை' - திரையுலகில் என்னுடைய இரண்டாவது இன்னிங்சை தொடங்க நிச்சயம் உதவி செய்யும்” என்று அடித்துக் கூறுகிறார்.

பாவம், அவரும் எத்தனை நாள்தான் வீட்டிற்குள்ளேயே முடங்கிக் கிடப்பாரு!