சரண் இயக்கத்தில் வினய்
சரண் இயக்கத்தில் உருவாகும் ‘மோதி விளையாடு’ படத்தில் ‘உன்னாலே உன்னாலே’ வினய் கதாநாயகனாக நடிக்கிறார்.
ஜெமினி படத்திற்குப் பின் குறிப்பிடும்படியான வெற்றிப்படம் எதையும் சரண் தரவில்லை. அல்லி அர்ஜூனா, ஜேஜே, வட்டாரம் என அவர் இயக்கிய பல படங்கள் தோல்வியைத் தழுவின. இந்நிலையில் தற்போது அவர் இயக்கிவரும் படம் ‘மோதி விளையாடு’.
இந்த படத்தில் வினய் கதாநாயகனாக நடிக்கிறார். அவருக்கு இணையாக காஜல் அகர்வால் நடிக்கிறார். இவர்களுடன் சந்தானம், வி.எம்.சி.அனீபா, மயில்சாமி ஆகியோரும் நடிக்கிறார்கள்.
இந்தப் படத்திற்கு எஸ்.ராமகிருஷ்ணன் கதை, வசனம் எழுதுகிறார். பின்னணி பாடகர் ஹரிஹரனும், லெஸ்லி லேவீசும் இணைந்து இந்தப் படத்துக்கு இசையமைக்கிறார்கள். கவிஞர் வைரமுத்து பாடல்களை எழுதுகிறார்.
தன் வாழ்க்கைப் பாதையை மாற்றியவர்களை அடையாளம் கண்டு, அவர்களுடன் கதாநாயகன் மோதி விளையாடுவதுதான் கதையாம்.
படைப்பாளிகளின் கவனத்திற்கு...
கீற்று இணையதளத்திற்கு தங்களது படைப்புகளை அனுப்ப வேண்டிய மின்னஞ்சல் முகவரி: [email protected]. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். அப்படியான படைப்புகள் மட்டுமே கீற்றில் வெளியிடப்படும்.
|
|