படக்குழுவினரின் உபசரிப்பும், நல்ல சிந்தனையும் தான் குசேலன் படத்தில் இளமையாகத் தோன்ற காரணம் என்று நடிகர் ரஜினிகாந்த் கூறினார்.

நடிகர் ரஜினிகாந்த், நயன்தாரா, பசுபதி உள்ளிட்டோர் நடிக்கும் ‘குசேலன்' திரைப்பட பாடல் வெளியீட்டு விழா சென்னையில் நடைபெற்றது. விழாவில் ரஜினி பேசியது:

இளமையாக இருப்பதற்கு நான் இமயமலைக்குச் சென்று வேர் பிடுங்கி சாப்பிடுவது கிடையாது. சாப்பாட்டில் 4 வெள்ளையான விஷயங்கள் - உப்பு, சர்க்கரை, மாத்திரை, அரிசி - ஆகியவற்றை சேர்ப்பதில்லை. இதெல்லாம் உடம்புக்கு. மனசுக்கு நல்ல சிந்தனைகள் இருக்கிறது. அதனால் நல்லா இருக்கேன். என்னைச் சேர்ந்தவங்களும் நல்லா இருப்பார்கள்.

‘குசேலன்' படத்துக்கு இளையராஜாவை போடலாமா என்ற யோசனை முதலில் இருந்தது. ஒரு நாள் வெயில் படத்தின் இசையைக் கேட்டேன். மிகவும் பிடித்திருந்தது. இந்தப் படத்துக்கு ஏ.ஆர். ரஹ்மான், இளையராஜா சேர்ந்தது போல் இசையமைத்திருக்கிறார் ஜி.வி. பிரகாஷ். என்றார் ரஜினி.

விழாவில் தயாரிப்பாளர் கே.பாலச்சந்தர், இசையமைப்பாளர் ஏஆர். ரஹ்மான், இயக்குநர் பாரதிராஜா உள்ளிட்ட பலர் பேசினர்.