‘கஜினி’ படத்தையடுத்து மேலும் சில இந்திப் படங்களில் நடிக்க ஒப்பந்தமாகியுள்ளார் அசின்.

இவர் தற்போது ‘கஜினி'' இந்தி ரீமேக்கில் அமீர்கானுடன் நடித்து வருகிறார். அண்மையில் கமலுடன் இணைந்து இவர் நடித்த ‘தசாவதாரம்’ படம் வெளியாகியுள்ளது. தமிழில் வேறு படங்கள் எதுவும் கைவசம் இல்லை. காரணம் என்னவென்பதற்கு அசின் சொல்லும் பதில்:

தமிழ் சினிமாவில் நடிப்பதற்கு எனக்கு வாய்ப்புகள் வந்தன. ஆனால் கதை எதுவும் நன்றாக இல்லாததால் நடிக்க மறுத்து விட்டேன். இதற்கிடையே மேலும் சில இந்திப்பட வாய்ப்புகள் வந்துள்ளன. அவற்றில் நடிக்க ஒப்புக் கொண்டுள்ளேன். இனி தமிழில் நல்ல கதை இருந்தால் மட்டுமே நடிப்பேன்.

விளம்பரத்தில் நடிப்பதன் மூலம் நான் அதிகம் சம்பாதிப்பதாக கூறுகிறார்கள். ஆனால் ஒன்று மட்டும் உண்மை. நான் பயன்படுத்தாத பொருட்களின் நிறுவன விளம்பரங்களில் நான் நடிப்பதில்லை என்கிறார் அசின்.