KeetruCinemaNews
தமன்னாவின் ஆனந்த தாண்டவம்

Tamanna தசாவதாரம் படத்தை அடுத்து ஆஸ்கார் ரவிச்சந்திரன் தயாரித்து வரும் படம் ‘ஆனந்த தாண்டவம்’. இந்தப் படம் தமிழில் தனக்கு நிச்சயம் ஓர் இடத்தைப் பிடித்துத் தரும் என்று நம்புகிறார் தமன்னா.

‘செல்லமே’ படம் வெற்றி பெற்றாலும், அதற்கு அடுத்து சரியான வாய்ப்புக்காக காத்திருந்த இயக்குனர் காந்திகிருஷ்ணாவுக்கு பெரிய வாய்ப்பாக ‘ஆனந்த தாண்டவம்’ படம் ஆஸ்கார் ரவிச்சந்திரன் மூலம் கிடைத்துள்ளது. கல்லூரி படம் நல்ல பெயரை வாங்கித் தந்தாலும், தொடர்ச்சியான வாய்ப்புகளைப் பெற்றுத் தராத நிலையில் தமன்னாவும் இந்தப் படத்தைத் தான் பெரிதும் நம்பியிருக்கிறார்.

இந்தப் படத்திற்கு ஜி.வி.பிரகாஷ் இசையமைத்திருக்கிறார். தமன்னாவுடன் சித்தார்த், ருக்மணி என்ற இரண்டு புதுமுகங்களும் நடிக்கிறார்கள்.

இந்தப் படத்தை அடுத்து ஆஸ்கார் ரவிச்சந்திரம் ஜாக்கி சானை வைத்து ஹாலிவுட் படம் ஒன்றை தயாரிக்கப் போவதாக கோடம்பாக்கத்தில் ஒரு செய்தி உலா வருகிறது.