எப்போதும் கதாநாயகனாகவே நடிப்பேன் என்று பிரபு அடம்பிடிப்பதில்லை. அதிகம் சினிமா வாய்ப்பு இல்லாத நிலையில், விளம்பர வாய்ப்புகள் வந்தால் கூட அவற்றைக் கெட்டியாகப் பிடித்துக் கொள்கிறார்.

கதாநாயகன் வாய்ப்பு குறைந்தபின்பு குணச்சித்திர வேடங்களில் நடித்து வருகிறார் பிரபு. உனக்கும் எனக்கும், தாமிரபரணி, பில்லா படங்களைத் தொடர்ந்து விக்ரமுடன் ‘கந்தசாமி’, சூர்யாவுடன் ‘அயன்’, சிம்புவுடன் ‘சிலம்பாட்டம்’ உள்ளிட்ட படங்களில் குணச்சித்திர வேடத்தில் நடித்து வருகிறார்.

இதற்கிடையே விளம்பர வாய்ப்புகளையும் விட்டு வைப்பதில்லை. கல்யாண் ஜுவல்லரி விளம்பரத்தைத் தொடர்ந்து, பிரபல நிறுவனமொன்றின் வேட்டி விளம்பரத்தில் நடித்து வருகிறார்.

என்ன இப்படி என்று யாராவது கேட்டால், ‘அமிதாப்பச்சனே விளம்பரத்தில் நடிக்கும்போது நான் நடிக்கக்கூடாதா’ என்று கேட்கிறார். சரிதாங்கோ