‘சந்தோஷ் சுப்ரமணியம்’ படத்தின் மூலம் தமிழ் ரசிகர்களை அசத்திய ஜெனீலியா இப்போது இந்தியிலும் வேகமாக முன்னுக்கு வருகிறார்.

இந்தியில் அவர் கதாநாயகியாக நடித்து வெளியான ‘ஜானே தூ... யா ஜானே னா' படம் பெரும் வெற்றியடைந்துள்ளது. இது, தமிழில் பிரசாந்த்-ஷாலினி நடித்த ‘பிரியாத வரம் வேண்டும்' படத்தின் கதையை மையமாக வைத்து எடுக்கப்பட்டதாகும். இந்தப் படத்தின் வெற்றியை அடுத்து அவர் மேலும் இரண்டு இந்திப் படங்களில் நடிக்க ஒப்பந்தமாகியுள்ளார்.

‘சந்தோஷ் சுப்ரமணியம்’ படத்தின் வெற்றிக்குப் பின்னர், அவரைத் தேடும் தமிழ் தயாரிப்பாளர்களிடம் ‘இப்போதைக்கு கால்ஷீட் இல்லை’ என்று கூறி வருகிறாராம்.