Keetru "மறந்து கொண்டே இருப்பது
 மக்களின் இயல்பு
 நினைவுபடுத்தித் தூண்டிக் கொண்டே
 இருப்பது எம் கடமை"
Keetru Ani
Ani Logo

கீதாஞ்சலி பிரியதர்சினி கவிதைகள்

பெருநகரக் குறிப்புகள்

பழைய தங்க நகைகளை எடை எழுதி
உருக்கி விற்பவனின் எழுதுகோல் எழுத மறுக்கிறது
ஆண்களுக்கான உள்ளாடை விற்பனை பிரிவில்
அமர்ந்திருக்கிறாள் ஒருத்தி
தலைக்கு மேல் வேலை இருக்கிறது என்று
கைத் தொலைபேசியில் பேசியபடி
கூட்டத்தில் தொலையக்கூடாது என்று உறையிட்டு
மூடிவைத்த பொம்மையின் கண்ணீர் பெருகி
நனைக்கிறது கால்களை
முழுவதும் கணிணி மயமாக்கப்பட்ட வங்கி
ஒன்றின் மூடிய கதவுகளுக்கு முன்னே இவள்
கல்யாணச் சீருக்கு பாய் விற்கிறாள்
இன்று வறுபட்ட கடலையின் மேல்தோல்
நேற்று பெய்த மழை நீரில் மிதக்கிறது
எப்போதும் இரவு எட்டரை மணிக்கே நடை சாத்தும்
பழக்கமுள்ள கோயிலின் உண்டியல்
கனவில் உடைபடும் அபாயத்துடன் நிற்கிறது.



இன்று நீ பார்த்த நதி

மழைக்குப் பிந்தியநாளின் வெப்பத்தைப் போல
கடு சூட்டுடன் தேநீர் கையில் இருக்கிறது.
வளர்ப்புத் தந்தையின் மறைவுக்கென்று,
மழை அழிவுக்கென்றும் தனித்தனியாக
துக்கம் கேட்க போக முடியுமா தெரியவில்லை
மீதமிருக்கும் ஆற்றின் நீர்
போக முயற்சிக்கவில்லை வேறெங்கும்
மக்கள் பொருட்காட்சி மீதுள்ள ஆர்வம் மறந்து
பார்க்க வருகிறார்கள் சீரழிந்த நதியை
குடிப்பதற்கு முன்பிருந்தே
மெல்ல நதி நீரை ஒத்ததாயிருக்கின்றன உன் கண்கள்
எனக்குப் பழகின கூண்டுக்குள்
சென்று அமர்கிறேன், நீயும் திரும்பிக்
கொண்டிருக்கிறாய்
கூடற்ற ஒரு கூட்டுக்கு



நண்பருக்கு இப்பக்கத்தைப் பரிந்துரைக்க...

படைப்பாளிகளின் கவனத்திற்கு...

கீற்று இணையதளத்திற்கு தங்களது படைப்புகளை அனுப்ப வேண்டிய மின்னஞ்சல் முகவரி: [email protected]. வேறு எந்த இணைய தளத்திலோ, வலைப்பூக்களிலோ வெளிவராத படைப்புகளை மட்டுமே கீற்றிற்கு அனுப்பவும். அப்படியான படைப்புகள் மட்டுமே கீற்றில் வெளியிடப்படும்.


Tamil Magazines
on keetru.com


www.puthuvisai.com

www.dalithumurasu.com

www.vizhippunarvu.keetru.com

www.puratchiperiyarmuzhakkam.com

http://maatrukaruthu.keetru.com

www.kavithaasaran.keetru.com

www.anangu.keetru.com

www.ani.keetru.com

www.penniyam.keetru.com

www.dyfi.keetru.com

www.thamizharonline.com

www.puthakam.keetru.com

www.kanavu.keetru.com

www.sancharam.keetru.com

http://semmalar.keetru.com/

Manmozhi

www.neythal.keetru.com

http://thakkai.keetru.com/

http://thamizhdesam.keetru.com/

மேலும்...

About Us | Site Map | Terms & Conditions | Donate us | Advertise Us | Feedback | Contact Us
All Rights Reserved. Copyrights Keetru.com