லிவிங் ஸ்மைல் கவிதைகள்
வாழ்கை குறித்த பிரயாசையோடும்
பாதுகாப்பின்மை குறித்த அச்சத்தோடும்
நடுநடுங்கி வளர்கிறது
ஒரு பச்சை மரம்.
வெட்டப்படும் கிளைகளுக்கு
புத்துயிர் தரும் அதன்
வேர்களை நம்பி...
வேரும் கைவிட, வேடிக்கையாக்கப்பட்ட
சிலரை மௌனமாய் கண்டும் காணாதபடி...
***
தன் மானம் வேண்டி
கையேந்திய வேசை நங்கையின் கையில்
திணிக்கப்படுகிறது
நிர்வாணம்
வேகமாய் மூடி மறைக்க முயன்றவளுக்கு
அரைகுறையாய் உதவுகிறது
சில பத்து ரூபாய் நோட்டுகள்
***
ஒரு ஜிப்ஸியைப் போல துவங்கும் மறுபிறப்பில்
காதைப் பிளக்கும் தட்டல் ஓசை...
வன்மங்களின் தாக்குதலில்
காய்ந்துப் போன குதங்கள்
மாரைக் கீறி ரத்தம்
கேட்கும் குரூர நயவஞ்சகங்கள்
ஆற்றாமையின் கணங்களை
அளக்கும் நிராகரிப்புகளுமாய்
சொர்க்கம் வரை தொடர்கிறது
சில துர்சொப்பனங்கள்
|
படைப்பாளிகளின் கவனத்திற்கு...
கீற்று இணையதளத்திற்கு தங்களது படைப்புகளை அனுப்ப வேண்டிய மின்னஞ்சல் முகவரி: editor@keetru.com. படைப்புகளை அனுப்பும்போது தாங்கள் பயன்படுத்திய எழுத்துரு எதுவென்பதைத் தெரியப்படுத்தவும்.
|
Keetru | Tamil | Tamilnadu | Literature | Cinema | Recipe | Joke
|
|
 |
|
