பெயரெடுக்கவே
பெரும் போராட்டம் நடக்கிறது
வாழ்நாளில்.

நல்லவனென்று
பெயரெடுத்தல் முக்கியம்
நல்லவனாய்
வாழ்தலைவிடவும்.

வள்ளலென்று
பிரபலமாதல்
முதலாளிகளுக்கு மூலதனம்

பணம் படைத்த முதலாளிகள்
அமைப்பொன்றையும்
நிறுவ வேண்டியிருக்கிறது
அள்ளி அள்ளித் தரும்
வள்ளலென
பிரபலமாவதற்காக.

முதலாளிகளின்
வள்ளல் தனங்கள்
அவ்வப்போது அரங்கேறுகின்றன
சூடு பறக்க
பணியாளர்களின்
வயிற்றெரிச்சலால்

- இ.இசாக், துபாய் (இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.)