அது ஒரு
வானாந்திரம்,
அங்கே
வால் இல்லாத
குரங்குகள்தான் அதிகம்.
மரம் ஏறும் போது
மற்ற குரங்குகளை சந்திக்கின்றன.
சந்தோச துள்ளலில்
அங்கும் இங்கும் ஓடத்துவங்குகிறது,
அதன் சப்தங்கள்
வெகு தூரம் வரை விரவுகிறது,
குரங்குகள் எல்லாமும்
ஓர் இடத்தில் குழுமத்தொடங்குகிறது
புரிபடாத பாவனைகளை
வேடிக்கை பார்க்க தொடங்குகின்றன
கையைத்தட்டியும்
தலையைச்சொறிந்தும்
தங்களின் இருப்பை வெளிப்படுத்துகின்றன
ஒரு சில குரங்குகள்
யாருக்கும் தெரியாமல்
பக்கத்து குரங்குகளை பயமுறுத்த பார்க்கிறது
பதிலுக்கு அக்குரங்கு புன்னகைக்கிறது
உச்சிவெயிலில் உரத்தசப்தங்களுடன்
குரங்கு கூட்டம் கலைகிறது
மீண்டு வரும் குரங்குகளுக்கோ
ஒரு வித வெறி ஏற்படுகிறது
விடுபடவேண்டிய தவிப்புகளுடன்
தன் பார்வையை சுழற்றுகிறது
கிடைக்கும் சந்தர்ப்பத்தில்
அதற்கான மரம்தாவி
தத்தமது சேஷ்டைகளுடன்
விடைபெறுகிறது

- பாண்டித்துரை இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.