தேர்தலில் வென்றவர்கள்
அவ்வப்போது சுவரொட்டி மூலம்
தரிசனம் தருவார்கள்
கோஷ்டி மோதலில்
பயன்படுத்தப்படும் வார்த்தைகளால்
ஊரே நாறிப்போகும்
அறிமுகமாகும் போதே
அடைமொழியுடன் அறிமுகமாகும்
கதாநாயகர்கள்
பஞ்ச் டயலாக்
பேசிக் கொண்டிருப்பார்கள்
முதல்வர் கனவில்
கிரிக்கெட் போட்டிக்காக
ஒட்டப்படும் போஸ்டர்களை நம்பி
குரூப்பாக போய்
சிக்கிக்கொண்டால் பிரியாணி தான்
வெளிநாடுகளில் வேலை வேண்டுமா
என்ற கேள்வியுடன் தொடங்கும்
போஸ்டரை நம்பிப்
போனவர்கள் எல்லாம்
அரை கிறுக்காகத்தான்
வீடு வந்து சேர்ந்தார்கள்
போஸ்டரை தின்று
சுவர்களைச் சுத்தப்படுத்தும்
மாடுகளுக்காக
நாம் கொண்டாடுகிறோம்
மாட்டுப்பொங்கல்.